Што б я ў памяці людской знайшоў
Не скарыстанае табе на хвалу?
Што новае сказаў бы пра любоў,
Каб і цябе найлепей праслаўляла?
Нічога, пэўна! Як у днях былых,
Калі мы толькі стрэліся з табою,
«Любі-мая» — гучыць з радкоў маіх
На новы лад малітваю старою.
Любоў адвечную і новую прытым
Не скрыўдзіць час і не закрые пылам, -
Лістом паперы стане ён рудым,
Каб запісы на ім свае рабіла.
Што нам любоў дала у першы раз,
Жыць будзе вечна, нават і без нас.