Калі мне ў сэрцы месца не стае,
А захапленне змусту прынясе, -
І маладосць і прыгажосць твае
Даруюць дробныя пахібы ўсе.
Спакуса ходзіць за табою ўслед,
За пекнатой прываблівай тваёй.
А перад ласкай змуслівых кабет
Устоіць сын кабеціны якой?
Але, на жаль, юнацкі твой запал,
Але, на жаль, юнацкі твой імпэт
Прыязні нашай літасці не даў,
А двойчы пакрышыў яе ушчэнт:
Запляміў здрадаю душу сваю
І спадабанку спакусіў маю.