Сонэто 009
Со́бы тэ на́ киндякир якх пхивля́кэ,
Или палсо́ дживэ́са екхоро́?
Коли́ бы тэ мэрэ́с ту, акадя́кэ
О свэ́то заровэ́лас бы саро́.
Пхэнэ́лас бы кирко́ до роибэ́н:
На ачядя́н ту никонэ́с пал пэ́стэ.
Ваш кажнонэ́ пхивля́кэ гудлыпэ́н — every
Дадэ́скирэ якха́ сы чяворэ́стэ.
Барвалыпэ́н ивья́ росчюрдыно́ –
Ваврэ́нгэ сы про свэ́то ачядо́,
Нэ гожыпэ́н свэто́скэ на дыно́ –
Дро гро́бо сы хула́са нашадо́.
Одо ило́ ваврэ́н сыр покамэ́ла,
Кон пэс ладжя́са дя́кэ хаськирэ́ла?