Сонэто 100
Кай сан, мри Музалэ? О дром забистырдя́н?
Палсо́ на ракирэ́с, три зор катхы́р?
Дрэ пфуй гилы́ тыри́ холы́ чидя́н?
Дрэ мэл пэя́н, кирнэ́н кэри́ фэды́р?
Рисёв! Пал адава́, со нашадя́н,
Плэски́р гиля́са др адалэ́ кана́,
Вашэ савэ́ прибичяды́ ту сан,
Дэ тема тэ подгэибэ́н[66] кана́.
Нэ, Музалэ, ба́га пал Камлыпэ́н,
Коли́ бэрша́ екх бры́нда ачядэ́,
Ума́р лавэ́са адалэ́ чёрэ́н,
Мэк тэ лачякирэ́н, со пфуй кэрдэ́.
Жыка́й мро Камлыпэ́н джидо́, ша́р лэс,
Соб лэс э Мэрибна́стыр тэ ракхэ́с.
theme and method