Сонэто 126
Шука́р тыкно́, кари́к бэрша́ традэ́са?
Мардэ́[76] лыджя́са и пририкирэ́са,
Барьёса, сыр тырэ́ камлэ́ шутёна,
Коли́ бэрша́, со ачядэ́, тыкнёна.
Э Дай Бари́ саро́ жэ умарэ́ла,
Со нашавэ́са, ёй крэнцакирэ́ла.
Сан Ла́тэ, соб бэрша́ дрэ ладж мэнэ́,
Ума́рла Ёй минуты прогэнэ́.
Дар Ла́тыр, мро гудло́, мэк ёй камэ́ла,
Нэ кажнонэ́с, коли́ камэ́л, чюрдэ́ла.
Ёй на екха́тыр вытховэ́л Тими́н,
Сыр плэскирэ́с ту, нашавэ́с бажын.
hours