Сонэто 131
Сан на́лачи сави, сыр э вавря́,
Конэ́стэ гожыпэ́н ячья́ холы́.
Сыр ту джинэ́с мишто мрэ виндырья́,
Сы дро ило́ куч бар — ту, мри камлы́.
Раки́рна, хай, на дя́кэ сан шука́р,
Соб мро ило́ дукха́тыр тэ ровэ́л.
Ни лав ни паш мэ пр адава́ дрэ дар,
Нэ совлаха́ва, свэ́то хохавэ́л.
Шэл мо́лыцы туга́тыр мэ мэём,
Паш ма́ндэ на́ дыкхи тро муй лачё,
Мирэ шэрэ́са мэ совлахадём,
Яви́ калы́, ту сан шука́р, чячё.
На трэ калэ́ якхэ́ндыр мэ мэра́ва,
Тырэ́ калэ́ бутендыр хасёва́ва.