Сонэто 134
Кана́ мэ совлаха́ва: ёв — тыро́,
Дро тыро васт, сыр ко́фо, попэём,
Нэ акана́ мэк ёв, вави́р миро́,[81]
Фэды́р кэрэ́са, со лачё скэрдём.[82]
Тумэ́ жэ на чюрдэ́на екх ваврэ́с,
Ту — скэ́мпо, ёв — пирда́л ковло́ ило́;
Пал ма́ндэ лав дыя́ патывалэ́с
Тэ зоралэ́с ячела ёв спхандло́.
Саро́ ту гожыпна́са дорэсэ́са,
О ко́фо ухтылэ́са, кай камэ́с,
Пал ма́ндэ лэс кэ пэ ту закэдэ́са,
Пал миро длуго хаськирэ́са лэс.
Лэс нашадём, лэя́н ту амаро́,
Ёв выкиндя́ ман, нэ на сом псиро́.
alter ego
Faeci, quod potui