Сонэто 135
Сы кажнона́тэ, со родэ́л, — нэ Кам[83]
Мэк тэ авэ́л (ава́в) тро екхоро́;
Сыр ваш дывэ́с ухты́лла[84] екх до кхам,
Гудлякира́ва камлыпэ́н тыро́.
Бутэ́н камэ́са ту, сыр буґлыпэ́н:
Соб ман тэ гаравэ́с штэ́то латхэ́са,
Коли́ ваврэ́нгэ дэ́са ковлыпэ́н,
О Кам тыро́ (хачёла ёв!) прилэ́са.
Баро́ паны́ брышы́нд на вычюрдэ́ла,
Мэк на́бут лэ́стыр ко́фо дорэсэ́ла,
Лэ ма́ндыр, мэ сом тыро Кам, — ячела
Буты́р тро Камлыпэ́н, сыр ман прилэ́ла.
Нэ я́в ковлы́, лав на́ чюв хачимэ́,
Саро́, со ту родэ́с, дава́ сом мэ!
дрэ 135 и 136 Will (Вильямо Шэкспиро) значинэ́ла камлыпэ́н, мэ дэём пал адава́ «о Кам».
enough