Сонэто 140
Кицы́ сан холямы́, яв годяви́р,
Ту на́ чилав мри туга, соб лава́
Киркэ дукха́са, э чюрья́са сыр,
Тэ на́ пхэнэ́н чячес пал адава́.
Мэк мэ шука́р сарья́ тут ґалыём,
Пхэ́н ма́нгэ хоханэ́с, хай, ман камэ́са;
Сыр насвало́, хай, паш-муло́ мэ сом,
Адя́кэ на́бут ман подрикирэ́са.
Дужакири́ да лав, мэ нашава́в
Годы, тэ ла́ва тут коша́в кирнэ́с:
О кирно́ свэ́то ка́жно кирно́ лав
Кирнэ́ канэ́нца лэ́ла бахталэ́с.
Соб э ладжя́тыр пэс ту тэ зракхэ́с,
Дыкх дрэ якха́, хоха́в патывалэ́с.