Сонэто 145
Куч камлыпэ́н скэрдя́ вушта́.
Пхэндлэ́ екх ма́нгэ: «На́дыкхав!» –
Мро ди́ рики́рна ангушта́:
Дыкхи, даратыр, хай, мэрав,
Пожалиндя́ ман чёрорэ́с:
Сыр англэды́р э чиб пхэндя́,
Буты́р ваш ма́нгэ гудлорэ́с
О лав кирко ёй парудя́:
«Мэ на́дыкхав!»… — Тэ рат калы́
Татэ кхамэ́са традыны́,
Латэ якхэндыр криг нашлы́,
Сыр тэлэ пхув сыс чюрдыны́:
«Мэ на́дыкхав!..» — холя́са ёй, –
«…на тут,» — тэ ман зракхья́ одо́й!