Сонэто 153
О Купидо́но тэ совэ́л пэя́,
Диа́на бичядя́ нимфа́ кэ ёв;
Ёй почёрья́л яг камады́ лэя́,
Яндя́ ко шалало́ паны́ — тэ тхо́в!
Тэ акана́ тато́ камаибэ́н
Татьки́рла о паны́, со кэрадёла;
Бут мануша́ пирда́л насвалыпэ́н
Одо́й: панестыр ка́жно высастёла.
О Купидо́но пэ́скэ яг нэви́
Мирэ камля́тэ дрэ якха́ лэя́,
Дро мро колы́н о камлыпэ́н чюви́,
Ёв зумадя́, мишто́ ли хачия́.
Др одо́ паны́ ивья́ пэс тэ ракха́в:
Ман састяки́рна ла́кирэ якха́.