Сонэто 154
Лыя́ Амуро тэ совэ́л, чюдя́
Яг камады́ паш пэ́стэ; э вэшы́тко
Ваш кхэлыбэ́н пхэненца ла чёрдя́
Тэ лыджия́ одоя́ яг биды́тко,
(Яг шэл шэла́ илэ́ захачкирдя́).
Дро чя́киро рикири васторо́,
Ёй ла дрэ шылалы́ ґаны́нг тходя́,
Жыка́й исы́с суто́ о дэвлоро́.
Сы о паны́ яга́са хачкирдо́
Тэ састяки́рла ёв дукх камады́
Бутэ́нгэ, ма́нгэ сыс фэды́р кэрдо́,
Коли́ ман дохая́ екх пхутькирды́.
Яг камады́ паны́ ростатькирдя́,
Нэ о паны́ э яг на хаськирдя́.
Перевод выполнен в июле-августе 2004 (Москва — Албена), 7 и 66 — несколько лет назад, примерно в 1995