Сонэто 017
Сыр тэ патя́с, нэ шэлбэрша́ гилы́
Пхэрды́ тырэ́ нангэ́ чёрорипна́са,
Дэвэ́л джинэ́л сыр, башавэ́л, камлы́,
Сыр гро́бо, кай чячес тут згарава́са.
Сыр бы тэ сыкава́в якха́ тырэ́,
Дро бутыпэ́н — пхэрдэ́ трэ патыва́,
О амарэ́ чявэ́нгрэ чяворэ́
Пхэнэ́на: хохавэ́на мрэ лава́.
Ту на пхувья́тыр са́нас — болыбна́стыр,
Тэ мрэ гиля́ кошэ́на пуранэ́,
Хай, мэ одрисиёмпэ чячипна́стыр:
«Дро лэ́ско башыбэ́н годы нанэ́».
Коли́ бахт — тэ дживэ́л тырэ́ чявэ́стэ,
Дрэ мри гилы́ дыксёса, сыр дрэ лэ́стэ.