Сонэто 019
Паруибэ́н, пхагир тырэ́ ная́,
Мэк пхув пэ́скрэ чявэ́н тэ дандырэ́л;
Соб тэ кирнён данда дрэ трэ муя́,
Мэк Фениксо́с о рат тэ хачкирэ́л.
Лаче тэ на́лаче бэрша́ мэк тэ явэ́н,
Сыгэґэри́тко, кэ́р ту, со камэ́с,
Дро саро́ свэ́то лэ́нца, со мэрэ́н,
Нэ екх буты́ нашты́ ту тэ кэрэ́с.
О бры́нды на́ чюв про чека́т камло́,
Да муй тырэ́ порэ́са на́ чила́в,
Да кучипэ́н ту на́ парув гудло́,
Фэды́р ту манушэ́нгэ лэс сыка́в!
Паруибэ́н, тырэ́ бутя́ — ивья́,
Мро камлыпэ́н дрэ мри гилы́ ячья́.