Сонэто 024
Мри якх кэрдя́ тыри́ шука́р патри́н,
Да лыл гарадыя́ ило́ миро́;
Мро ма́с кана́ ваш тукэ ра́мка[30] сын,
Э перспекти́ва сы мро грасторо́.
Сыр пиро ва́ст, дыкхэ́с мири́ годы́,
Кай сы кана́ патри́н три чячюны́,
Дрэ ба́ндза[31] мрэ илэ́скри гарады́,
Тырэ́ якхэ́нца о́кна[32] хачины́.
Джинэ́с, якха́ бут кэ́рна ваш якха́:
Мирэ́ — тыри́ патри́н шука́р, пирда́л
Тырэ́ якха́ миро́ ило́ дыкха́в,
И тут дрэ лэ́стэ, го́жо, почёрья́л.
На́бут джинэ́н якха́ мрэ хоханэ́:
Ту — сыкады, тыро́ ило́ — нанэ́.
frame
shop
window