Сонэто 027
Дрэва́н кхино́, мэра́ва тэ сова́в,
Соб тэ латха́в масэ́скэ зор нэви́,
Нэ, закэри́ якха́, вса дром кэра́в
Дро мро шэро́, мро мас тэлэ́ чюви́.
Мрэ думы джян, катхы́р мэ рисиём,
Кхарэ́н ман, соб тэ джяв мэ кокоро́;
Паладава́ якха́ мэ откэрдём,
Дыкхи́ дрэ рат калы́, сыр короро́.
Мэ, рикири́ илэ́са три патри́н,
Дыкха́в якхэ́нца, сыр пирда́л о пхар:
Хачёса ту раты́, сыр э мути́н,[33]
Тэ ма́нгэ рат пхури́ дыксёл шука́р.
На дэ́ла ми́ро,[34] — туса рикирдо́
Ило́: саекх дро дром тэ джянгадо́.
pearl
peace