Сонэто 036
Трэ́би амэ́н прэ дуй тэ роскэра́с,
Мэк сам дро камлыпэ́н сыр екхоро́:
Ада ладжя́ нашты́ ту тэ лыджя́с,
Со мэ свэто́стыр ха́ва кокоро́.
Ваш камлыпэ́н ячелпэ екх ило́,
Мэк тэ джива́с дрэ дуй ваш джиибэ́н,
Собы тэ на́ кэрэн дром мэлало́,
Коли́ чёрэ́н амэ́ндыр гудлыпэ́н.
На сыкава́ва: сом тыро́ джиндло́,
Собы тыри́ паты́в тэ на́ макха́в;
Шэрэ́са на кэрэ́са лошало́,
Собы тэ на́ мэлякирэ́н тро лав.
На́ кэр адя́кэ: тут ками́, тыри
Сы мири сла́ва, яв жэ лачёри́.