Сонэто 003
Тыро́ глында́ло[9] тукэ сыкавэ́л,
Со трэ́би пэс ваврэ́с тэ ачявэ́с,
Соб тыро муй про свэ́то тэ дживэ́л,
Трэби камля́са джиибэ́н тэ дэ́с.
Нэ кай сы ёй, кон патыва́са дэ́ла
Про свэ́то тыро муй шука́р нэвэ́с?
Тэ кон сы ёв, ивья́ кон гаравэ́ла
Дрэ пэ́стэ камлыпэ́н куч холямэ́с?
Лыджя́са ту муй да́киро миштэ́с,
Вавря́кэ соб тэ дэ́с; саро́ проджя́ла:
Пхурьёса, — соб бахтя́са тэ дыкхэ́с:
Муй да́киро тыро́ чяво́ лыджя́ла.
Сыр тут на зрипирэ́са чяворо́,
Мэрэ́са ту, мэрэ́ла муй тыро́.
mirror