Сонэто 042
Со ла лэя́н, нанэ́ екх мири́ туга,
Пхэна́в чячё: камьём ла — мро ди́ сыр,
Ла отлэя́н ту; вави́р туга — друго
Мро нашадо́, одо́ дукха́л буты́р.
Илэ́скирэ чёра, мэ простина́ва:
Ту покамьян, сыр друго ла камья,
Ило́ ёй тукэ отдыя́, патя́ва,
Ваш ма́нгэ: мрэ друго́с ёй покамья́.
Тут нашадём, латхья́ тут мри камлы́,
Ла нашадём, мро друго — ла латхья́н,
Ёнэ́ латхнэ́, дуй мо́лы пьяв шутлы́:
Ваш ма́нгэ хохадэ́ дуй мо́лы ман.
Кай бахт? Сыр мэ друго́са екхоро́,
Ёй, сыр ґара́, сы дро ило́ миро́.