Сонэто 046
Мри ка́жно якх илэ́са прэ чюрья́.
Нашты́ тэ роскэрэ́н тыри́ патри́н.
Э якх: «Мири́! Кон пэ́рво[42] удыкхья́?»
Ило́: «Мири́! Дрэ ма́ндэ фэды́р сын:
Мэ совлаха́ва куч тэ рикира́в.
Ваврэ́ якха́ дова́ на удыкхэ́н».
Тэ якх годя́са пэ́скэ пхэ́нла лав:
«Миро́ — саро́ дыкхно́ шукарипэ́н!»
Про сэ́ндо сарэ думы скэдынэ́пэ,
Соб куч тэ роскэдэ́н ада буты;
Поракири́ сарэ́нца, припхэндлэ́:
Со да дуенгэ тэ кошэ́н нашты́,
Со сы аврял — якхэ́нгро миштыпэ́н,
Мирэ́са тро ило́ мэк тэ дживэ́н.
first