Сонэто 057
Сом тыро ро́бо,[44] со мэ тэ кэра́в?
Дужакира́ва, сыр кхарэ́са ман,
Ада минуты, сыр кэ ту бэша́в,
Тырэ́ лава́, савэ ухтылла кан.
Мэ на коша́ва тут, дужакира́ва,
Дыкхи́, сыр трэ мардэ́[45] на́сыгэс джял,
Мэ киркипна́стыр битыро́ мэра́ва,
Коли́ ту протрадэ́са ман кхэра́л.
Мэ на пучя́ва, са́нас ту конэ́са,
Мэк мро ило́ марэ́лпэ захало́,
Мэ сом тро ро́бо, ма́нгэ на пхэнэ́са,
Кон сы вави́р, кон туса бахтало́.
Камло́ — сыр дылыно́: лэс хохавэ́са,
Нэ ёв патя́ла корорэ́ илэ́са.
slave
watch