Сонэто 075
Вашо ило́ — маро́ сан, сыр джива́в,
Сыр вашэ пхув шуки́ брышы́нд явья́,
Ваш тыри́ бахт киркипэна́ мэ ха́в,
Сыр барвало́ саво, дара́в ивья́.
Дыкх — пхутькирдо́, сави́ бахт ваш амэ́нгэ!
Дыкх — трашано́ свэто́стыр: сы о чёр.
Кама́м тэ сыкава́в тут манушэ́нгэ,
Кама́м тэ гарава́в якхэ́ндыр хор.
Илэ́скэ дэ́са свэ́нко барвало́,
Нанэ́ чяло́, коли́ б тут тэ дыкха́в;
Коли́ ж на дорэсэ́ла бахт ило́,
Дара́в, буты́р, сыр ма́ндэ, нашава́в.
Тэ ка́жно парудо́ дывэ́с миро́:
Дыкх — барвало́ сом, дыкх — сом чёроро́.