Сонэто 077
О го́жыма тыро́ настя́, — дыкхэ́с, –
Сыр куч дывэ́с пона́бут хасия́;
Сыр гаравэ́л о лыл годы́ миштэ́с,
Соб ёй кэ ту дрэ лэ́стэ рисия́.
Про муй о бры́нды дро тыро́ трюмо́[58]
На гаравэ́н тыро́ рипирибэ́н;
Бэрша́, со ачядэ́ пало́ думо́,
Дром сыкавэ́н ко вечно джиибэ́н.
Со ту рипирибна́стыр нашавэ́с,
Дрэ да лыла́ гара́в, соб ту латхья́н
Чявэ́н, савэ́н забистырдя́н локхэ́с,
Тэ акана́ илэ́са ґалыя́н.
Вса ж дэ́ла адава́ кирки́ годы́,
Со дрэ лыла́ про веки[59] ачяды́.
a big mirror Rus. from Fr. trumeau
centenaries