Сонэто 082
Прэ бахт, нанэ́ мри Муза три ромны́,
Ничи́, мэк мрэ лава́ ту на шарэ́са,
Коли́ мири́ гилы́ на шукарны́, –
Ту да́савья латхэ́са, кай камэ́са.
Годя́са, сыр и пэ́са, сан шуки́р,
Латхэ́са дро мро лав чёрорипэ́н,
Ма́нгэс, соб тэ рода́в лава́ фэды́р,
Тэ сыкава́в екха́тыр гожыпэ́н.
Кэра́в адя́кэ: нэ коли́ ваврэ́
Вса дорэсэ́н дрэ на́ртыма[60] учё,
Ґалёса: дрэ чяче лава́ мирэ́
(Дава́ мо́л бут) сы мро ило́ чячё.
Мэк сыкавэ́н ваврэ́ патри́н фэды́р.
Со тукэ трэ́би? — О рат лолэды́р?
skillfulness