Сонэто 085
Мри Муза чиб рики́рла тэ ило́,
Сыр бутджинэ́ бага́на шарибэ́н;
Совнакунэ́ порэ́са зачиндло́,
Со лэ́нгэ сарэ́ музы куч скэдэ́н.
Лачё ило́, машки́р лаче лава́,
Вса на́барэ годя́са тут камэ́ла,
Тэ пал шука́р гиля́ екх адава́:
«Аи́-аи́!» — нэ пэ́скиро, додэ́ла.
Шарэ́на тут, тэ мэ: «Аи́-аи́!»,
Мэк лаворо́ дода́ва бутэды́р;
О камлыпэ́н илэ́са ґаздэи́,
Лава́ — палэ́, ило́ сы англэды́р.
Чюв э тими́н лавэ́нгэ, сыр пхурдэ́н,
Тэ мрэ илэ́скэ пало чячипэ́н.