Сонэто 086
Барэ́ пхакэ́нца лэ́скири гилы́
Тро гожыпэ́н лыя́ тэ дорэсэ́л,
Дова́ кэрэ́л годы́ мри лангалы́,
Вашэ гилы́ миро́ ило́ мэрэ́л.
На-манушы́тка ль лэс сыклякирдэ́?
Лэ́скрэ гиля́тыр сом, ґалёв, муло́.
Нашты́, соб на́жужэ дова́ кэрдэ́?
Кай мри гилы́? Дынэ́ ман якхало́?
Нат! На дова́ кхэри́тко, кон годы́
Додэ́ла лэ́скэ дрэ гиля́ раты́,
На лэ́са мири чиб зарикирды́,
Нанэ́ мри дукх пал адая́ буты́.
Коли́ дживэ́с дрэ лэ́скиро шэро́,
Ничи́ — ваш ма́нгэ, мэ сом чёроро́.