Сонэто 098
Вэсна́киро мэ со́мас битыро́,
О шта́рто чён саро́ куч уридя́,
О тэрныпэ́н дыксёлас дрэ саро́,
Тэлэ́ черґэ́н Сатурно рат кхэлдя́.
Нэ чирикля́ тэ цвэ́ты кхандунэ́
На джидяки́рнас мро ило́ дрэ туга,
Ничи́ дрэ дывэса́ совнакунэ́
Мэ на дыкхтём, сыр лулудя́ про луго.[65]
Мэк ли́лии парнёнас, на сунга́вас,
Лолёнас ро́зы — на скэда́вас лэн,
Др одо шукарипэ́н мэ тут рода́вас,
Мангьём, соб три патри́н тэ сыкавэ́н.
Хай, зы́ма сыс, мэк вэ́сна куч явья́,
Одо́й рода́вас три патри́н ивья́.
meadow