Yenidən söz qoşum ləyaqətinə?
İndi mən nə deyim, mən nədən yazım?
Qəlbimdə nə varsa, açmışam sənə,
Eşqimdən, sevgimdən təzədən yazım?
Daha sözüm yoxdur, qoy təkrar deyim
Hər gün dua təki dediklərimi.
Biz birik, bu sözdən kim doyar, deyim,
Səslənər əvvəllər olduğu kimi.
Məhəbbət əbədi yarandığından
İllərin hökmünə baş əymir, düzü.
Üzündə qırışdan görünmür nişan,
Qocanı cavana çevirir özü.
İnsanlar qocalıb tələf olsa da,
Məhəbbət gənc qalır, ölmür dünyada.