Duymuram güc-taqət ayağımda mən,
Yorğunluq ömrümü haram eyləyir.
Yatmaq istəyirəm yatağımda mən,
Səyahət başımda davam eyləyir.
Xəyalım axtarır səni hər zaman,
Sənsiz nə pir vardır, nə də ziyarət.
Gözlərim dikilir zülmətə hər an,
Görür qaranlığı korlar da, əlbət.
Gecənin qoynunda parlaq inci tək
Xəyalən qarşımda görürəm səni.
Ülvi gözəlliyin nur çiləyərək,
Necə də bəzəyir zülmət gecəni.
Yoxdur rahatlığım eşqin əlindən,
Gündüz də, gecə də yol gedirəm mən.