İştah ki korşaldı artıq yeməklə,
Aclıq itiləyər onu almaz tək.
Mənim məhəbbətim, alış ürəklə,
Alovlan həsrətlə itilənərək.
Gözlərin baxmaqdan bu gün doydumu,
Sabah da gözlərin qoyma qapana.
Öz gözəl ömrünü, zərif ruhunu
Əbədi mürgüylə yetirmə sona.
İndi qoşa gəzən sevdalı gənclər
Yenə bu sahildə görüşən zaman
Dəniz tül geyinər, hər dalğası zər,
Qoy belə dənizə bənzəsin hicran.
Lap qışa oxşasın, çoxsa cəfası,
Yayda daha gözəl olar səfası.