Юньших от мене отцы посылают
В чюждыя страны, потом ся не хают.
----------------------------------------------------------------------
22.
Бех у отца моего, яко раб плененный,
Во пределех домовых, як в тюрьме заминенный.
Не что бяще свободно по воли творити;
Ждах обеда, вечери, хотяй ясти, пити,
Не свободно играти, в гости не пущано,
А на красная лица зрети запрещено.
Во всяком деле указ, без того ничто же,
Ах! Колика неволя, о мой Святый Боже!
Отец, яко мучитель, сына си томляше,
Ничесо же творити по воли даяше.
Ныне, слава Богови! От уз освободихся,
Егда в чюждую страну едва отмолихся.
Яко птенец из клетки на свет испущенный,
Желаю погуляти, тем быти блаженный.
----------------------------------------------------------------------
23.
Аще кто проиграется, та мне утрата;
А кто добре выиграет, за труд гривна злата.
----------------------------------------------------------------------
24.
Господь и мешок, то приятель правый,
Людная приязнь токмо для забавы.
...
Государь наш! Челом бьем тебе
За хлеб и за соль, а слуг ищи себе.
----------------------------------------------------------------------
25.
Посмотрев на руце и пощупав, и паки глаголет:
О! Несть мозолей, зело мягки длани,
Бодрствуй отселе, лености престани.
Слышишь, приказчик, на село возьмите,
А свиньи пасти ему прикажите.
----------------------------------------------------------------------
26.
Юным се образ старейших слушати,
На младый разум свой не уповати,
Старым - да юных добре наставляют,
Ничто на волю младых не спущают.
----------------------------------------------------------------------
27.
То комидийно мы хощем явити,
И ако само дело представити
Светлости твоей и всем предстоящим
Князем, боляром, верно ти служащим.
В утеху сердец здрави убо зрите,